15 май — Халқаро оила куни муносабати билан шаҳримизда «Фаровон оила сари» шиори остида маданий-маърифий тадбир ўтказилди.
Тошкент вилояти ва шаҳар ҳокимликлари, вилоят оила ва хотин-қизлар бошқармаси ва тегишли ташкилотлар билан ҳамкорликда қилинган мазкур ташаббус жамиятимизнинг асосий бошланғич бўғини, гўзал урф-одатлар, миллий қадрият ва анъаналарларни ўзида акс эттирувчи оилавий анъаналарни яна бир бор тараннум этишдир.
«Металлург» маданият саройида “Янги Ўзбекистоннинг ибратли оиласи” кўрик-танлови Тошкент вилояти босқичи ғолибларини тақдирлаш маросими ҳам ўтказилди. Очилиш маросимида вилоят ҳокими вазифасини бажарувчи Зойир Мирзаев, Ўзбекистон Республикаси Оила ва хотин-қизлар қўмитаси раиси Зулайҳо Маҳкамова сўзга чиқиб, барчани байрам билан табриклади.
