Ушбу экспонат 1993 йилда маҳаллий аҳоли томонидан Олмалиқ шаҳар «Ўлкашунослик» музейига олиб келинган.
Ўғир, (Кели) — қўлда дон (арпа, буғдой, жўхори ва бошқалар) янчиш учун мўлжалланган рўзғор буюми.
Пишиқ ёғочнинг ичини ўйиб ташлаб ишланади. Дастаси (келисоп) ҳам қаттиқ ёғочдан қилинади. Дастанинг ўртароғида иккала қўл билан ушлаш учун ўйиғи бўлади.
Ўғир деҳқончилик ривожланиб, дон экила бошлагач пайдо бўлган. Ҳозир ҳам (айниқса, қишлоқ жойларда) уйрўзғорда ишлатилади.