Олмалиқ шаҳар ҳокими Қобил Хамдамов шаҳримиз спортчилари билан учрашиб, улар томонидан эришилган ютуқларни алоҳида эътироф этди.
Хусусан, 2022 йил 1-10 ноябрь кунлари (Иордания) Амман шаҳрида ўтказилган катталар ўртасида Осиё чемпионатининг 60 кг вазн тоифасида бронза медали соҳиби Адхамжон Мухиддинов ҳамда жорий йил 18-26 январь кунлари (Таиланд) Бангкок шаҳрида ўтказилган Осиё чемпионатининг 63.5 кг вазн тоифасида олтин медал соҳиби бўлган Шаҳбоз Юнусалиев ва уларнинг мураббийи Озод Хасановнинг меҳнатлари эътироф этилиб, самимий тилаклар билдирилди. Юртимиз шаънини муносиб ҳимоя қилиб келаётган бу каби ўғлонларимизнинг келгуси фаолиятларига омад тиланиб, ҳоким томонидан зарбоф тўнлар ёпилди.