Мана, бир неча йиллардан буён Ўзбекистон Республикаси Олий Мажлиси ҳузуридаги Нодавлат-нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан ажратилган давлат грантлари асосида юртимиз бўйлаб юзлаб эзгу лойиҳалар амалга ошириб келинмоқда.
Жумладан, Ўзбекистон Ногирон ишбилармон аёллар миллий ассоциацияси Тошкент вилояти бўлими ҳам Олмалиқ шаҳрида «Аёллар бандлиги — бахтли келажак асоси» лойиҳасини амалга ошириш бўйича грант ғолиби сифатида амалий тадбирларни ўтказиб келмоқда. Бўлим томонидан бугунги кунга қадар 25 нафардан ортиқ хотин-қизларга турли касб-ҳунарлар бепул ўргатилиб, улар томонидан ишлаб чиқарилаётган маҳсулотлар бозор расталарини тўлдирмоқда.
Шахноза Абдирахмонова