Ҳошим Асатов жорий йил 19 март куни ўта муҳим ва тоифаланган объект ҳисобланган ОКМК АЖ “Разведочная” кон ҳудудига рухсатномасиз, ўзбошимчалик билан ноқонуний равишда кириб, молларини боқиб юрган вақтда ҳудудни қўриқлаётган ҳарбий хизматчилар томонидан тўхтатилиб, қўлга олинди.
Суд ҳуқуқбузар Ҳ.Асатов томонидан содир этилган ҳуқуқбузарликнинг хусусияти ва ижтимоий хавфлилик даражасини шу билан бирга унинг шахсини, моддий аҳволини, қилмишига иқрорлигини ва пушаймонлигини, оиласининг ягона боқувчиси эканлигини инобатга олди. У томонидан содир этилган ҳуқуқбузарликни кам аҳамиятли деб ҳисоблаган суд Ўзбекистон Республикаси МЖтКнинг 21-моддасига асосан уни маъмурий жавобгарликдан озод этиб огоҳлантириш билан кифояланди.
Ҳ.Асатовга нисбатан Ўзбекистон Республикаси МЖтКнинг 210-моддаси 1-қисми билан юритилган маъмурий иш тугатилиб, тегишли моддага асосан маъмурий жавобгарликдан озод қилинди. Ҳошим Асатовбилан боғлиқ ушбу ҳолатда у биринчисида огоҳлантириш билан чекланди. Борди-ю, бу ҳолат у билан қайта такрорланса, кейинги сафар огоҳлантирилмай, қонунда белгиланган тартибда жазоланиши тайин.
Сардор Сайдамилов,
шаҳар Қўриқлаш бўлими бошлиғи ўринбосари, майор.