1 октябрь — Ўқитувчи ва мураббийлар куни муносабати билан «Нурнигор» тантаналар мажмуасида вилоятимиз профессионал таълими — коллеж, касб-ҳунар мактаби, техникум ўқитувчилари ҳамда олий таълимда фаолият юритувчи педагоглар учун байрам тадбири ташкиллаштирилди.
Тадбирда Тошкент вилояти олий таълим, фан ва инновациялар бошқармаси бошлиғи Кудратжон Юсупов иштирок этиб, соҳа вакилларини байрам билан самимий қутлади. Шундан сўнг меҳнатлари эътироф этилиб, жами 57 нафар ўқитувчи «Ўрта махсус ва профессионал таълим аълочиси» кўкрак нишонлари билан тақдирланди. Шулардан 11 нафари олмалиқлик ўқитувчилар эканлиги қувонарли. Байрам иштирокчиларининг барчасига фахрий ёрлиқ ва эсдалик совғалари улашилди.
