30 ta shahar ichida Olmaliq shahri 22-oʻrinda qayd etilgan. Makroiqtisodiy va hududiy tadqiqotlar instituti Oʻzbekistonda yashash uchun eng qulay shaharlar reytingini tuzdi. Reytingdan mamlakatning 40 mingdan ortiq aholi istiqomat qiladigan 30 ta shahri oʻrin olgan boʻlib, uni shakllantirishda taʼlim, sogʻliqni saqlash, infratuzilma, barqarorlik, madaniyat va atrof-muhit yoʻnalishlaridagi jami 27 ta koʻrsatkich inobatga olingan.
Alohida yoʻnalishlar boʻyicha yetakchi shaharlar esa quyidagilar:
Taʼlim va tibbiyot boʻyicha: Buxoro, Guliston va Urganch;
Infratuzilma boʻyicha: Urganch, Navoiy va Toshkent;
Ijtimoiy-iqtisodiy barqarorlik: Toshkent, Urganch va Guliston;
Madaniyat va atrof-muhit: Toshkent, Buxoro va Samarqand.
