Ноябрь ойининг иккинчи якшанбаси – Тиббиёт ходимлари куни муносабати билан шаҳримиз Тиббиёт бирлашмаси ходимлари учун шаҳар ҳокимлиги томонидан «Марҳамат» тантаналар мажмуасида байрам тадбири ташкиллаштирилди.
Тадбир аввалида шаҳар ҳокимининг биринчи ўринбосари Шермуҳаммад Бегиев томонидан шаҳар ҳокимининг соҳа вакилларига йўлланган байрам табриги ўқиб эшиттирилди.
Шундан сўнг узоқ йиллар тиббиёт соҳасида меҳнат қилган фахрийлар ҳамда бир қатор соҳа вакиллари шаҳар ҳокимининг фахрий ёрлиғи ҳамда эсдалик совғалари билан тақдирланди.
Байрам тадбири шаҳар Маданият бўлими ижодий гуруҳи томонидан ижро этилаётган шўх куй-қўшиқ ва рақслар билан кўтаринки руҳда давом этмоқда.
