Мудофаа вазирлиги тасарруфидаги Олмалиқ шаҳрида жойлашган ҳарбий қисмда «Янги Ўзбекистоннинг намунали оиласиман» шиори остида «Ибратли ҳарбий оила» кўрик-танлови ўтказилди.
Танловда 5 нафар ҳарбий оила «Оилам-менинг бахтим», «Куч-бирликда», «Биз эпчил, биз чаққон», «Ош чемпионати», «Мозаика йиғиш», «Мусиқий композиция» шартлари бўйича беллашдилар. Оилаларнинг чиқишлари ҳакамлар ҳайъати томонидан одилона ва шаффоф баҳолаб борилди. Танлов сўнгида ғолиблар ҳарбий қисм томонидан диплом ва пул мукофотлари билан тақдирландилар.