Барча ўт ўчиргичлар ҳар йили текширилиши лозим. Агар қурилма стандартларга жавоб бермаса, уни алмаштириш зарур.
Бунда:
─ Баллонда кўрсатилган ўт ўчиргичнинг амал қилиш муддати тугаши билан қурилма алмаштирилади;
─ Ойига бир марта ўт ўчиргичларни кўздан кечириш ва жараён қайд қилиб борилади;
─ Ўт ўчиргичлар эвакуация йўлларига туташ чиқиш жойларидаги деворга ўрнатилади;
─ Битта бинода ўрнатилган барча ўт ўчиргичлар бир хил ишлаш принципига эга бўлиши зарур;
─ Агар ўт ўчиргичдан фойдаланилган бўлса, уни тўлиқ қайта зарядлаш даркор;
─ Агар ўт ўчиргичнинг босими тушиб кетса, уни дарҳол тўлдириш керак.
Ўт ўчиргичдан қандай фойдаланиш керак?
Қўлингизда қандай турдаги ўт ўчиргич бўлишидан қатъий назар, уни қандай ишлатишни билишингиз зарур.
Ўт ўчиргичдан фойдаланиш учун сизга қуйидагилар керак бўлади:
- Қурилмани ўрнатилган жойдан олиш;
- Муҳрни (пломбани) бузиш;
- Оғзини қатъий горизонтал равишда жойлаштириш;
- Ричагни босиш;
- Ўт ўчиргичдан чиқувчи воситани олов томон йўналтириш.
Шаҳризода Ахрорқулова,
Дилдора Низомова,
ОКМК объект ёнғин хавфсизлигини таъминлашни ташкил этиш бўлими инспекторлари.