Олмалиқ шаҳар ФВБ ходимлари, газ ва электр таъминоти идоралари, фуқароларнинг ўзини ўзи бошқариш органлари ва бошқа дахлдор ташкилотлар томонидан Ўзбекистон Республикаси Президенти Ш.Мирзиёевнинг 2017 йил 23 май кунидаги ПҚ-2992-сонли қарорига мувофиқ мамлакатимизда ҳар хафтанинг чоршанба куни “Ёнғинлар профилактикаси куни” ҳамда Вазирлар Маҳкамасининг 2023 йил 4 августдаги 332-сон Ёнғинлар профилактикаси самарадорлигини ошириш ва «Ёнғиндан огоҳлик» умуммиллий кампанияси доирасида баҳор мавсумида юзага келиши мумкин бўлган кўнгилсиз вазиятларнинг олдини олиш мақсадида Муқимий МФЙ ҳудудида жойлашган “ЭЛЕГАНТ ГАРМЕНТ ТЕКСТИЛ» МЧЖ ишчи-ходимлари билан ўқув тактик машғулоти ўтказилди. Машғулот давомида дастлаб “Ташвиш” хабари берилиб ишчилар очиқ майдонга эвакуация қилинди. Ишчилар хавфсиз жойга чиқарилгандан сўнг шартли равишда ёнғин содир этилди ва кўнгилли ходимлар томонидан ёнғин ўчирилди. Тадбир давомида масканнинг 3-қаватидан жабрланган ишчи олиб чиқилди. Шунингдек, тадбир иштирокчиларига ёнғин хавфсизлиги қоидаларига амал қилиниши ва содир бўлиши мумкин бўлган фавқулодда вазиятларда қандай ҳаракат қилиш зарурлиги тушунтирилди ва кўргазмали эслатмалар тарқатилди.
Ш.Шерқулов,
шаҳар ФВБ бошлиғи ўринбосари,
катта лейтенант.