Куни кеча Тошкент вилояти ИИББ Терроризмга қарши курашиш бошқармаси мутахассислари С.Хусанбоев ва Б.Искандаров, шаҳар ИИБ, Республика Маънавият ва маърифат маркази шаҳар бўлинмаси раҳбари, шаҳар Ёшлар ишлари бўлими ҳамкорлигида шаҳарнинг барча маҳалла фуқаролар йиғинларида фаолият юритаётган ёшлар етакчилари ва хотин-қизлар фаоллари иштирокида «Жаҳолатга қарши маърифат» шиори остида «Ёшларни ёт ғоялар таъсирига тушишининг олдини олиш» мавзусида тарғибот тадбири ташкил этилди.
Тадбирда тинчлик ва осойишталик, шукроналик неъмати, динимизнинг асл моҳиятидан йироқ оқимларга билмасдан эргашиб кетиш ҳолатлари ва уларнинг салбий оқибатлари ҳаётий мисоллар билан тушунтириб берилди.
Тарғибот давомида халқимизга хос миллий қадриятларга ҳурмат, жаҳолатга қарши маърифат билан курашиш борасида ёшларнинг фикрлари тингланди.
