- Масхара бўлиш
- Кўникиш
- Тан олиш.
Бу босқичлар икки хил ҳолатда учрайди.
Масалан, турмушда ва ўзингиз яхши кўриб танлаган соҳангизда. Энди бунга мисоллар келтирсак:
Биринчи босқични олсак, турмушда янги уй, янги одамлар ва янги урф одатлар. Буларга мослашганингизча кимгадир кулги бўласиз ёки кимнингдир асабини бузасиз.
Ўзингиз танлаган соҳангизда ҳам шу: ишингизни яхшилаб тушуниб етмаганингизча кўп хатолар қиласиз, гап эшитасиз, кулги бўласиз, бошлиқларнинг асабини бузасиз.
Иккинчи босқичда турмушда — Янги уйнинг урф одатларига мослашишни бошлайсиз. Янги инсонларга ўргана бошлайсиз, уларнинг феъл-атворларини ўрганиб, қаерда қандай ҳаракат қилиш кераклигини тушуниб етасиз.
Ўзингиз танлаган соҳангизда ҳам шу. Ишингизни яхшилаб ўрганасиз, унинг камчиликларини кўрасиз. Уларни бартараф қила оласиз ва уларнинг олдини ола оласиз. Муомала маданиятини ўрганасиз. Ўз танлаган соҳангизни сизга бўлган фойдали ва зарарли тарафларини ўрганасиз. Ўз устингизда ишлайсиз. Ўзингизга хулоса чиқаришни ўрганасиз.
Учинчи даврда эса турмушда ҳам ўзингиз севиб танлаган соҳангизда;
Эндиликда ҳар иккисида ҳам сиз ўз ҳаётий тажрибангизга эга бўласиз. Ҳаётга реал қарашни бошлайсиз. Ўз фикрига эга шахсга айланасиз. Бунда энди атрофингиздаги инсонлар сизни тан олишни бошлайди. Чунки сиз ўзингизни ким эканлигингизни кўрсатган бўласиз.
Кимгадир қилган яхши ишларингиз билан ўрнак бўласиз ёки ёмон одатларингиз билан кимгадир дарс бўласиз.
Бунда ҳар бир инсон ўзига қандай хулоса чиқаришига боғлиқ.
Аввалоси ҳар даврда энг аввало инсон эканлигимизни унутмайлик!
Чунки ҳар икки ҳолатда ҳам тан олиш босқичи бор!
Шу босқичлардан ўтганча бир-биримизни кўнглимизни синдирмайлик! Бир-биримизга тиргак бўлайлик!
Чунки бу уч босқичдан ҳамма ўтади. Бироқ, синган кўзани ўз ҳолатига қайтариб бўлмайди.
Хулоса ўзингиздан…
Райҳон Ҳакимова,
ОКМК МБФ Қозонхона
қурилмалари машинисти.