Ўзбекистон Республикаси Вазирлар Маҳкамасининг 2021 йил 9 сентябрдаги 562-сон қарори асосида умумий ўрта таълим мактаблари, академик лицейлар, касб-ҳунар мактаблари ҳамда нодавлат таълим ташкилотларининг ўқувчилари ўртасида 2024-2025 ўқув йилида умумтаълим фанлари бўйича асосий олимпиаданинг иккинчи туман (шаҳар) ва учинчи — вилоят миқёсидаги босқичлари ҳамда халқаро олимпиадаларда иштирок этадиган Ўзбекистон терма жамоасига номзодларни саралаш мақсадида 20 октябрь куни асосий фан олимпиадасининг шаҳар босқичи ўтказилди.
Шаҳар мактабгача ва мактаб таълими бўлими бошлиғи Х.Турғунбоев ушбу олимпиада жараёнларида иштирок этиб, ўқувчиларга ушбу синовларда омадлар тилади. Шунингдек фан олимпиадаларининг вилоят, Республика босқичида фахрли ўринларни эгаллашларига ишонч билдирди.
Маълумот ўрнида, шаҳардаги 19-сонли ихтисослаштирилган Давлат умумтаълим мактабида ўтказилган ушбу синовда 164 нафар 9-,10-,11-синф ўқувчилари иштирок этди.
