19 ноябрь куни Ўзбекистон Республикаси Президентининг Олмалиқ шаҳридаги Халқ қабулхонаси мудири Жамолиддин Маназаров раҳбарлигида Халқ қабулхонаси етакчи мутахассиси Гулнора Балтаева, шунингдек, шаҳардаги корхона ташкилотларнинг фуқаролар мурожаатлари билан ишловчи ходимлар иштирокида учрашув ташкил этилди.
Унда аҳоли мурожаатларини қайта ўрганиш, ижобий ҳал этилиш даражасини ошириш, такрорий мурожаатлар келиб тушишига чек қўйиш ҳамда масъул биринчи раҳбарлар иштирокида кўриб чиқилишини таъминлаш борасида ўқув соати олиб борилди.
Ўқув соати давомида иштирокчилар ўзларини қийнаётган саволларга батафсил жавоблар олишди. Шунингдек, корхона ташкилот ходимлари ўртасида мурожаатларни рўйхатга олиш, кўриб чиқиш муддатлари, ижро интизоми борасида фикр алмашилди.
