«Металлург» маданият саройида Ўзбекистон Қуролли Кучлари ташкил этилганлигининг 33 йиллиги ҳамда Ватан ҳимоячилари куни муносабати билан маданий-маърифий тадбир ташкил этилди. Тадбир аввалида ОКМК бошқарув раиси Абдулла Хурсанов сўз олиб, миллий армиямиз қудрати йилдан-йилга ошиб бораётганини, юртимизда ҳукм сураётган тинчликни ҳар биримиз асраб-авайлашимиз лозимлигини таъкидлаб, ҳарбий хизматчиларни, ҳуқуқ-тартибот идоралари ходимларини самимий муборакбод этиб, бир гуруҳ соҳа вакиллари ташаккурнома ва эсдалик совғалари билан рағбатлантирилди.
Тадбир давомида ижодий гуруҳлар томонидан тайёрланган концерт дастури барчага манзур бўлди.
ОКМК Ахборот хизмати