Қишнинг совуқ кунлари арафасида бутун фикру хаёлимиз эндигина қуриб битирган уйимизга тезроқ иситиш газ жиҳозларини ўрнатиб, осонгина йўл билан газ тортиб ундан фойдаланишда бўлиб қолади. Ҳозирги кунда сизнинг аҳволингиздан фойдаланиб, баъзи бир қонунчиликда белгиланган тартибда махсус рухсатнома-лицензияга эга бўлмаган жисмоний шахслар мўмай даромад топиш мақсадида қурилиш монтаж ишларини қилиб беришни ваъда қилиб ва ушбу ишларни ўзбошимчалик билан амалга ошираётган шахслар аниқланмокда. Бу эса аҳолининг хавфсизлигига ўз таъсирини ўтказмай қолмай бахтсиз ҳодисалар юзага келишида асосий омилларидан бири бўлиб қолмокда.
Газ хўжалиги тизимлари объектларини лойиҳалаш ва қуриш ишлари Вазирлар Маҳкамасининг 2019 йил 16 мартдаги 226-сонли “Газ хўжалигида хавфсизлик қоидалари”га ҳамда амалдаги ШНҚга зид бўлмаган ва қонунчиликда белгиланган тартибда лицензияга эга бўлган ташкилотлар томонидан амалга оширилиши лозим.
Агар сизнинг хонадонингизга фуқаро “Олмалиқшахаргаз” ГТБ махсус кийимида келиб, газ улаш, қурилиш монтаж ишларини қилиб беришни ваъда қилса, асло рози бўлманг ва монтаж ишларини амалга оширманг! Қурилиш монтаж ишларини лицензияси бўлмаган жисмоний шахслар томонидан амалга оширилганда уларга нисбатан қонунчиликда маъмурий жазо чораси белгиланган. Нафақат газ хўжалигида қурилиш монтаж ишларини, балки хонадонингизга келган ҳар қандай ташкилот ходимини уйингизга киргизишдан олдин, ушбу фуқаронинг ҳақиқатдан ўша ташкилот ходими эканлигига ишонч ҳосил қилинг.
ОГОҲ БЎЛИНГ! Оилангизнинг хавфсизлиги ўз қўлингизда!
Жамшид Абдугаппаров,
“Олмалиқшаҳаргаз”
газ таъминоти бўлими бошлиғи.