Нуроний инсонларимиз ҳамиша “Ўт балосидан, сув балосидан, бемўлжал ўлимдан Ўзинг сақла” деб дуо қилади. Ҳа, ёнғин бу тилсиз ёв. Кутилмаган вазиятда пайдо бўлиб, инсонни эсанкиратиб қўяди. Ёнғинга асосан, оловдан эҳтиётсизлик, электр ва газ асбобларидан фойдаланишда меъёрни бузиш ва бугунги кунда кўп учраётган хонадонлардаги қўлбола иситиш тизимлари сабаб бўлиб келмоқда.
Ўзбекистон Республикаси ФВВ 2025 йил 22 январь кунидан 1/5-26-105 сонли кўрсатмасининг ижросини таъминлаш мақсадида ОКМК АЖ “Ижтимоий объектлар” бошқармасига қарашли одамлар кўп йиғиладиган маскан — 1-ётоқхонани ёнғинга қарши ҳолати ишчи гуруҳ томонидан ўрганиб чиқилди. Кузатув чоғида эвакуация жараёнининг созлиги, ёнғин автоматикаси ишчи ҳолатда эканлиги, ёнғин келиб чиқиш, тарқалишига олиб келувчи ёки уни бартараф этишда қийинлашувчи, одамларнинг хавфсизлигига таҳдид солувчи қоидабузарликлар ўрнатилган тартибда тўлиқ бартараф этилгунга қадар объект фаолиятини тўхтатиш тушунтирилди.
Ҳар бир хоналар текширилиб аниқланган камчиликлар бўйича ётоқхона мудираси Шаҳноза Қувандиқовага ёзма таклифлар берилди. Хонадон эгалари билан ётоқхона бўйича суҳбатлар ўтказилди.
Азиз ҳамшаҳарлар, барчамиз огоҳ бўлайлик! Бугунги кунда дунёда ҳам катта-катта ёнғинлар юзага келмоқда. Шуни айтиб ўтиш керакки, Туркиядаги оғир оқибатли ёнғин Балу вилоятидаги Карталкая тоғ-чанғи курорти масканидаги 12 қаватли “Гранд Картал” меҳмонхонасида 2025 йилнинг 21 январ кунига ўтар кечаси ёнғин содир бўлган. Меҳмонхонада жами 238 нафар меҳмон бўлиб, маъмулотларга кўра 80 киши ҳаётдан кўз юмган.
Ҳушёр бўлайлик, йиллаб мисқоллаб йиққан мол-мулкимиз эҳтиётсизлигимиз сабабли 10-15 сонияда ёниб кулга айланмасин.
Муаттар Хамидова,
ОКМК АЖ ОЁХТТЭБ инспектори.