2024 йилнинг иккинчи ярим йиллиги бўйича ташкилотларда рақамли трансформация ҳолати бўйича рейтинг баҳолаш натижалари эълон қилинди.
Мазкур баҳолаш ишлари ташкилотларда рақамли трансформация ва ҳудудларда рақамли иқтисодиёт ҳолатини рейтинг баҳолаш жараёнларини автоматлаштириш учун қўлланиладиган идоралараро ахборот тизими — NIS.UZ томонидан амалга оширилади.
Эътиборлиси, баҳолаш якунларига кўра, Олмалиқ кон-металлургия комбинати 97,24%лик натижа билан яшил ҳудуддан жой олди.
Ташкилотларда рақамли трансформация ҳолатини рейтинг баҳолаш қуйидаги йўналишлардаги мезонлар асосида амалга оширилади:
Очиқлик ва электрон иштирок индекси(расмий сайтнинг қонун ҳужжатлари талабларига мувофиқлиги);
Электрон хизматлар индекси;
Ахборот хавфсизлиги индекси;
Фаолиятнинг рақамлашганлиги индекси.
Маълумот учун:
ОКМК 2024 йилнинг биринчи ярим йиллигида 97,63% натижа қайд этган.
