Ўғлим,
Кўзларингда кўрдим кўзимни.
Юзимга ярашди митти қўлларинг.
Қуёшдан ҳам порлоқ нигоҳинг каби,
Ёруғ йўлларинг.
Ўғлим,
бунча гўзал оромнинг васли,
Вужудим ва руҳим… бирам енгилман.
Осмон бир қадам йўл. Болам сенинг-ла
Шаҳдли кўнгилман.
Ўғлим,
тақдиримиз азал ёзилган,
Сени интиқ кутар буюклик тахти.
Юзингга термулдим… муборак бўлсин
Оналик БАХТИ!
Мухлиса РАХМАТУЛЛАЕВА.