Эндиликда никоҳни давлат рўйхатидан ўтказиш учун ариза топшириш жараёни янада қулайлаштирилди. Фуқаролар никоҳни қайд қилиш учун аризани Adliya Plus мобил иловаси орқали тўлиқ онлайн тарзда расмийлаштириш имкониятига эга бўлдилар.
Ушбу янгиликнинг энг муҳим афзаллиги шундаки, ариза топшириш учун ФҲДЁ органига бориш талаб этилмайди. Барча жараёнлар мобил илова орқали масофадан туриб амалга оширилади.
Ариза бериш тартиби:
Аввало, никоҳланувчилардан бири мобил илова орқали ариза яратади. Бунда тегишли ФҲДЁ органи танланади ҳамда никоҳни ўтказиш шакли белгиланади. Сўнгра ариза иккинчи томонга юборилади ва у ҳам илова орқали ўз розилигини тасдиқлайди.
Иккала томон тасдиқ берганидан кейин ариза автоматик равишда ФҲДЁ органига юборилади. Никоҳ учун зарур бўлган тиббий кўрик натижалари эса тиббиёт муассасалари томонидан электрон шаклда тақдим этилади.
Белгиланган тартиб ва муддатларга риоя қилинган ҳолда, никоҳ белгиланган кунда икки томоннинг иштирокида расмий равишда давлат рўйхатидан ўтказилади.
Шу тариқа, фуқаролар фақат никоҳни қайд қилиш кунида ФҲДЁ органига ташриф буюрадилар, қолган барча жараёнлар эса онлайн шаклда амалга оширилади.
Раъно Абдуназарова,
шаҳар ФҲДЁ бўлими
2-тоифали инспектори.
Об авторе
