Олмалиқ шаҳар Тиббиёт бирлашмасида “Қон топшир – ҳаёт инъом эт!” акцияси ўтказилди. Куни кеча шаҳримиз тиббиёт бирлашмасида Соғлиқни сақлаш вазирлиги ташаббуси билан старт олган «Қон топшир – ҳаёт инъом эт!» хайрия акциясида шаҳримизнинг бир қатор кўнгилли фуқаролари ҳамда тиббиёт бирлашмасининг шифокор ва ҳамширалари фаол иштирок этишди. Акция давомида 50 нафардан зиёд шаҳар тиббиёт бирлашмаси ходимлари ва 30 нафардан ортиқ фуқаролар ўз хоҳиш-истакларига кўра донор сифатида қон топширишди.
Хайрли ишда иштирок этган фуқароларга эсдалик совғалари ҳамда ширинликлар улашилди.
