Олмалиқ шаҳри Халқ таълими бўлими тасарруфидаги 10-умумий ўрта таълим мактабида 240 ўринли янги бинонинг расмий очилиш тадбири ўтказилди. Тадбирда шаҳар ҳокими ўринбосари С.Ахмедов, шаҳар Маҳалла ва нуронийларни қўллаб-қувватлаш бўлими бошлиғи, ҳоким ўринбосари Х.Камолов, Халқ таълими бўлими вакили Ф.Муродов, маҳалла фахрий устозлари М.Ибраҳимов ҳамда фахрий отахонлар иштирок этди.
Маҳалла нуронийлари самимий тилаклар билан янги ўқув биносини очиб берди. Мактабни таъмирлаш ишларида кўмак берган корхона раҳбарларига алоҳида ташаккурлар билдирилди. Янги бинонинг очилиши ижодкор ўқувчилар томонидан тайёрланган ижодий кечага уланди.