Порлоқ келажакни кўрай қароғингда,
Дил хотиржам бўлсин сенинг ардоғингда,
Юксакларга бўйлайверсин байроғинг-да,
Ватанимнинг пўлатдайин қанотлари-
Озод юртнинг азиз, соғлом авлодлари.
Ватан муҳаббатин дилга жо айлаган,
Эзгу мақсад йўлида ўзин шайлаган,
Ота-мерос қадриятин авайлаган,
Йўл кўрсатар ҳар қадамда аждодлари, Озод юртнинг азиз, соғлом авлодлари.
Ўзбеклигин дунёларга кўз-кўз этар,
Ақл билан бегонани ҳам дўст этар,
Мустақил юрт шулар билан қаддин тутар,
Замонамнинг Рустамлари, Фарҳодлари—
Озод юртнинг азиз, соғлом авлодлари.
Ўзбек ўғли ўз уйида бек бўлажак,
Камолидан элнинг кўнгли лим тўлажак,
Хизмат бўлса юрт корига шай туражак,
Баҳодирлар ардоғида сарҳадлари,
Озод юртнинг азиз, соғлом авлодлари.
Гулнора Йўлдошева.