Олмалиқ Абу Али ибн Сино номидаги Жамоат саломатлиги техникумида куни кеча шаҳар ҳокими ўринбосари, Оила ва хотин-қизлар бўлими бошлиғи М.Минавварова ҳамда шаҳар ҳокимлиги мутахассиси Г.Нишонова иштирокида ўқувчи-қизлар ўртасида «Эрта турмуш қуришнинг олдини олиш», «Қариндош уруғлар ўртасидаги никоҳнинг олдини олиш» ва одоб-ахлоқ, кийиниш маданияти ҳақида давра суҳбати ташкил этилди.
Давра суҳбатини техникум директори М.Сайимов очиб бериб, тадбирнинг мақсади ва жамиятда долзарб мавзуга айланиб келаётган оилалардаги яқин қариндош-уруғларнинг никоҳи ва унинг тиббиётдаги салбий оқибатлари ҳақида тўхталди.
Давра суҳбати очиқ мулоқот тарзида бўлгани учун ўқувчилар томонидан саволлар берилиб, ўринли жавоблар олинди. Қизиқарли ва мазмунли ўтган мулоқот мобайнида ўқувчи — қизлар ўзлари ва келажаги учун зарур маълумотларга эга бўлишди.