17 октябрь куни шаҳримиздаги 19-ИДУМда ўқувчи-ёшларнинг иқтидорини ва ижодий қобилиятини аниқлаш, уларни қўллаб-қувватлаш, ўқувчиларни фанларни чуқур ўрганишга бўлган интилишни ва қизиқишларини ошириш, келажакда касбларни тўғри танлашига кўмаклашиш мақсадида анъанавий тарзда ўтказиб келинаётган асосий олимпиаданинг 2-босқичига старт берилди.
21 октябрь кунига қадар давом этадиган мазкур олимпиадада шаҳримизнинг мактабларидан саралаб олинган 960 нафар 9-,10-,11-синф ўқувчилари ўзлари танлаган фан бўйича тест синовларини топширадилар. Ҳар бир фандан 30 та тест саволлари тақдим қилинади. Иштирокчилар орасидан баллар кетма-кетлигида 3 нафар ғолиб аниқланади ва асосий олимпиаданинг 3-(вилоят) босқичида иштирок этади.
