Президентимизнинг жорий йил 29 ноябрдаги ПФ-27-сонли Фармони ва 30 ноябрдаги ПҚ-23-сонли қарори билан республикамизда жамоат хавфсизлигини таъминлашнинг мутлақо янги тизими жорий этилди.
Ушбу фармон ва қарорнинг мазмун-моҳиятини ҳамда унга қўйилган вазифалар ва ходимларга берилган имтиёзларни чуқурроқ ва юзма-юз етказиш мақсадида бугун шаҳар ҳокимлигида Ички ишлар вазирининг ўринбосари, полковник Бекмурод Абдуллаев Олмалиқ шаҳар ИИБ ходимлари билан мулоқотда бўлди.