«Аммофос-Максам»акциядорлик жамиятида Ўзбекистон Республикаси давлат Мустақиллигининг 31 йиллик байрамига бағишлаб, «Янги Ўзбекистонда эл азиз, инсон азиз» ғояси остида Идоравий ҳарбийлаштирилган қўриқлаш хизмати ходимлари ўртасида тадбир бўлиб ўтди. Корхонада соғлом турмуш тарзини тарғиб этиш, шахсий таркибни жисмоний тайёргарлигини ривожлантириш мақсадида, турникка тортиниш, брусда тушиб–чиқиш ва қўл кучини синаш машқлари (Армрестлинг) каби спорт турлари бўйича мусобақа ташкиллаштирилди.
Қизғин куч синашишларга бой бўлган мусобақа натижаларига кўра, фахрли 1-ўрин “Алпомиш авлодлари” жамоасига, 2-ўрин “Темурбеклар” жамоасига ҳамда 3-ўрин “Лочинлар” жамоасига насиб этди.
Анвар Сайитқулов,
«Аммофос-Максам «АЖ Касаба уюшма қўмитаси ташкилий ишлар йўриқчиси.