Тошкент вилояти прокурори Шавкатжон Рахимов бошчилигида Олмалиқ шаҳар сектор раҳбарлари ва барча корхона ташкилотлар масъуллари иштирокида «Кимёгар» маданият марказида сайёр қабул ўтказилди.
Сайёр қабулда 40 нафардан ортиқ фуқаролар муаммолари билан мурожаат қилишди.
Мазкур мурожаатларнинг асосий қисми ижтимоий ва моддий ёрдам, уй-жой билан таъминлаш, турар жойни таъмирлаш, соғлигини тиклашда ва кадастр ҳужжатларини расмийлаштиришда амалий ёрдам кўрсатиш билан боғлиқ масалаларни ташкил қилади.
Мурожаатларнинг 10 дан ортиғи жойида ҳал этилиб, қолган мурожаатларни қонуний ҳал қилиш бўйича мутасадди ташкилот раҳбарларига топшириқлар берилиб, ижроси назоратга олинди.
