Ўзбекистон Республикаси Президентининг 2022 йил 20 январдаги “Заковат” интеллектуал ўйинини аҳоли ўртасида оммавий-маърифий ҳаракатга айлантириш ва бошқа интеллектуал ўйинларни ривожлантиришга оид чора-тадбирлар тўғрисида”ги ПҚ-96-сонли қарори ижросини таъминлаш мақсадида «Аммофос-Максам» АЖ корхона ходимлари ўртасида “Заковат” интеллектуал турнирига старт берилди. Таркибий бўлинма ходимларининг билим салоҳиятларини ошириш, юқори интеллектуал салоҳиятга эга ходимларни рағбатлантириш мақсадида ўтказилган ақл салоҳияти танловида корхона миқёсида 12 та гуруҳлар шакллантирилиб, 1-босқич саралаш турнири бўлиб ўтди.