Олмалиқ кон-металлургия комбинатига Германия Федерал ташқи ишлар вазири Анналена Бербок хоним бошчилигида Германия давлатидан бир қатор компания вакиллари ташриф буюришди.
Жумладан, делегация таркибида машҳур немис саноати компанияларининг раҳбарлари, ишбилармон доиралар вакиллари, Ташқи ишлар вазирлиги, Марказий Осиё давлатларидаги немис иқтисодиёти вакиллиги масъуллари бор.
Меҳмонлар комбинат корхоналарида бўлишди. Хусусан, ОКМКда амалга оширилаётган кооперация лойиҳалари билан танишиш мақсадида комбинатнинг «Ёшлик-1», «Қалмоққир» конлари ҳамда Мис эритиш заводида бўлиб, ишлаб чиқариш жараёни билан яқиндан танишдилар ҳамда ўзаро фикр алмашдилар.