Тошкент вилояти Спортни ривожлантириш бошқармаси тасарруфидаги Олмалиқ шаҳар Спортни ривожлантириш бўлими Олмалиқ шаҳридаги Ибн Сино МФЙ, Улуғбек кўчаси 59-а уйда жойлашган бўлиб, у ерда ёшларнинг спорт билан мунтазам равишда шуғулланишлари учун барча қулайликлар яратилган. Жумладан, 1 та 1-тоифали ҳамда 2 та 3-тоифали стадионлар, 22 та сунъий қопламали футбол майдонлари, 3 та сузиш ҳавзаси (бассейн), 4та фитнесс клуби, 3та теннис корди ҳамда 40дан ортиқ спорт заллари мавжуд бўлиб уларда спортнинг 23 тури бўйича тўгараклар фаолияти юритиб келинмоқда.
ШАҲАР СПОРТЧИЛАРИНИНГ 2022 ЙИЛДА ЭРИШГАН НАТИЖАЛАРИ
Жаҳон чемпионлари ва совриндорлари | 12 |
Осиё чемпионлари ва совриндорлари | 25 |
Ўзбекистон чемпионлари ва совриндорлари | 4255 |
Вилоят чемпионлари ва совриндорлари | 15422 |
Шаҳар чемпионлари ва совриндорлари | 20505 |
Бундан ташқари шаҳар Спортни ривожлантириш бўлими томонидан “Соғлом ҳаёт сари 5000 қадам” шиори остида юриш марафони, спорт турларидан «Мини-футбол», «Гандбол», «Стол тенниси», «Wоркоут», «Волейбол», «Шашка», «Шахмат», «Енгил атлетика», «Баскетбол» бўйича турли мусобақалар ўтказилиб, ғолиблар тақдирланиб келинган.
Шаҳримизда “Беш ташаббус олимпиадаси” 1-мавсум спорт мусобақалари доирасида жами 14028 нафар ёшлар иштирок этишди. Бундан ташқари 51 та МФЙларда спортнинг миллий кураш ва wоркоут тури бўйича кўчалараро маҳалла босқичи учрашувлари ҳам ўтказилди ҳамда шаҳар ҳокими кубоги учун ёшлар ўртасида спортнинг “Мини-футбол”, “Баскетбол”, “Шахмат-шашка” ҳамда “Стол тенниси” турлари бўйича мусобақаси ташкил этилди.
Энг қувонарлиси 2022 йилда шаҳримиздаги “Саҳоват” МФЙ ҳудудида замонавий стритбол ҳамда wоркоут майдончаси қурилиб фойдаланишга топширилди.
У.Хожакелдиев,
шаҳар Спортни
ривожлантириш бўлим бошлиғи в.в.б.