Жорий йилнинг 5-13 май кунлари Бразилияда ташкил этилган 59-Халқаро Менделеев кимё олимпиадасида дунёнинг 40 давлатидан келган 192 нафар ўқувчи куч синашди.
Ўзбекистон терма жамоаси якуний натижаларга кўра 3 та олтин, 2 та кумуш, 2 та бронза медал соҳиби бўлишди.
Қувонарлиси, шаҳримиздаги «Бухоро мактаби»нинг 11-синф ўқувчиси Иброҳим Темуров ушбу 59-Халқаро Менделеев кимё олимпиадасида ОЛТИН МЕДАЛ соҳибига айланди!
Бу оддий медал эмас. Бу — Ўзбекистон байроғининг илм-фан майдонида ғурур билан ҳилпираши.
Бу — ўзбек ёшларининг жаҳон саҳнасидаги иқтидори ва салоҳиятининг тан олиниши,
Бу — “БУХОРО МАКТАБИ” тарбиясининг, устозлар меҳнатининг, оилавий қўллаб-қувватлашнинг ёрқин самарасидир!
Ғалабанинг пойдеворида — ўз касбига садоқатли, билимдон устоз Мусо Хошимжоновнинг меҳнати, сабр-тоқати ва доимий илҳомлантирувчи ёндашуви мужассам.
Хайтгул НОМОЗОВА.