Ватан

Ватан десам бир ҳовуч тупроқ,
Қирларингда ўтлар қўзичоқ,
Киндик қоним тўкилган тупроқ,
Сени қандай севмайин Ватан?

Ватан десам урар юрагим,
Вужудимда гўзал тилагим,
Жаннат макон Ўзбекистоним,
Сени қандай севмайин Ватан?

Бобом айтган Ватан биттадир,
Яратганим Аллоҳ биттадир,
Шу тупроғингда битар қадрим,
Сени қандай севмайин Ватан?

Юрагимга тиғдайин ботар,
Юртин сотган айтинг, у кимлар,
Бардошимни синама Ватан,
Сени қандай севмайин Ватан?

Шодлик ТУРАНОВ.