Олтинга кон шаҳрим менинг, олтинга кон,
Ҳар кўчаси, гузарлари роҳати жон,
Меҳмонларин сийлагайдир бўлиб мезбон,
Жоним дедим, жаҳонимсан, сен борлиғим,
Металлардек, метин бўлган Олмалиғим.
Ҳар жабҳада, ҳар қадамда илғор шаҳрим,
Етмиш бешга етиб келган улуғворим,
Ўзинг менинг тоълейимсан, мангу бахтим,
Пешонамга битилганим, зўр ёрлиғим,
Қайноқ шаҳар, тафти қуёш Олмалиғим.
Кончиларнинг, шоирларнинг юртидирсан,
Вилоятнинг ял-ял ёнган кўркидирсан,
Она шаҳрим, жонимдирсан, меникисан,
Сулаймондан мерос қолган буюк тахтим,
Асрларга тенгдош бўлгин, Олмалиғим.
Мухлиса Тошпўлатова.
Об авторе
