Маълумки, китоб — инсоният тафаккури, тарихий хотираси ва руҳий оламининг бебаҳо хазинасидир. Ҳар бир мутолаа қилинган асар ўқувчининг ички дунёсини бойитиб, унда эзгулик, ватанпарварлик, инсонпарварлик каби юксак фазилатларни шакллантиради. Буюк мутафаккирлар ҳам китобни энг яқин дўст, ишончли устоз сифатида эътироф этганлар.
Республикамизда китобхонлик маданиятини юксалтириш, ёш авлодни маънавий баркамол этиб тарбиялаш мақсадида анъанавий тарзда ўтказиб келинаётган “Китобхонлик ҳафталиги” бу йил ҳам кенг кўламда ташкил этилди. 13–17 апрель кунлари “Китобсевар миллат” шиори остида ўтаётган VI Республика “Китобхонлик ҳафталиги” доирасида жойларда турли маънавий-маърифий тадбирлар ўтказилмоқда.
Сана муносабати билан 16 апрель куни Олмалиқ шаҳар ахборот-кутубхона марказида ҳам мазмунли тадбирлардан бири бўлиб ўтди. Унда ММТБ тасарруфидаги 22-мактабнинг фаол ўқувчилари иштирок этиб, “Мутолаа — куч ва тафаккур манбаи” мавзусидаги тадбирда фаол қатнашдилар. Мазкур тадбир китобнинг инсон ҳаётидаги ўрни, унинг тафаккурни бойитишдаги беқиёс аҳамиятини кенг тарғиб қилишга қаратилди. Тадбир давомида иштирокчилар томонидан куй-қўшиқлар ижро этилди, миллий рақслар намойиш қилинди. Бу чиқишлар йиғилганларга кўтаринки кайфият бағишлади.
Шунингдек, бадиий адабиётлардан ўқилган ибратли парчалар тадбирга алоҳида руҳ бағишлади. Иштирокчилар китобнинг инсон камолотига қўшадиган ҳиссаси, мутолаанинг тафаккур ва дунёқарашни кенгайтиришдаги аҳамиятини таъсирчан тарзда ифода этишди. Мазкур тадбир нафақат иштирокчиларда катта таассурот қолдирди, балки ёшларни китобга ошно қилиш, уларнинг маънавий дунёсини бойитиш ва мустақил фикрлашини ривожлантиришга хизмат қилди.
Республикамизда китобхонлик маданиятини юксалтириш, ёш авлодни маънавий баркамол этиб тарбиялаш мақсадида анъанавий тарзда ўтказиб келинаётган “Китобхонлик ҳафталиги” бу йил ҳам кенг кўламда ташкил этилди. 13–17 апрель кунлари “Китобсевар миллат” шиори остида ўтаётган VI Республика “Китобхонлик ҳафталиги” доирасида жойларда турли маънавий-маърифий тадбирлар ўтказилмоқда.
Сана муносабати билан 16 апрель куни Олмалиқ шаҳар ахборот-кутубхона марказида ҳам мазмунли тадбирлардан бири бўлиб ўтди. Унда ММТБ тасарруфидаги 22-мактабнинг фаол ўқувчилари иштирок этиб, “Мутолаа — куч ва тафаккур манбаи” мавзусидаги тадбирда фаол қатнашдилар. Мазкур тадбир китобнинг инсон ҳаётидаги ўрни, унинг тафаккурни бойитишдаги беқиёс аҳамиятини кенг тарғиб қилишга қаратилди. Тадбир давомида иштирокчилар томонидан куй-қўшиқлар ижро этилди, миллий рақслар намойиш қилинди. Бу чиқишлар йиғилганларга кўтаринки кайфият бағишлади.
Шунингдек, бадиий адабиётлардан ўқилган ибратли парчалар тадбирга алоҳида руҳ бағишлади. Иштирокчилар китобнинг инсон камолотига қўшадиган ҳиссаси, мутолаанинг тафаккур ва дунёқарашни кенгайтиришдаги аҳамиятини таъсирчан тарзда ифода этишди. Мазкур тадбир нафақат иштирокчиларда катта таассурот қолдирди, балки ёшларни китобга ошно қилиш, уларнинг маънавий дунёсини бойитиш ва мустақил фикрлашини ривожлантиришга хизмат қилди.
Зуҳра Исмондиёрова,
шаҳар ахборот-кутубхона маркази мутахассиси.
Об авторе
