Ўзбекистон Республикаси Президентининг 2018 йил 13 апрелдаги ПФ-5415-сон Фармони ҳамда ПҚ-3666-сон қарорида белгиланган вазифалардан келиб чиққан ҳолда шаҳар Адлия бўлими томонидан ўтган 2025 йил давомида бир қатор амалий вазифалар амалга оширилди.
Хусусан, давлат органлари ва ташкилотлари шаҳар тузилмаларининг қонунлар ва бошқа норматив-ҳуқуқий ҳужжатлар ижросини ташкил этиш бўйича фаолиятига услубий раҳбарлик қилиш ва мувофиқлаштириш йўналишида Адлия бўлими томонидан давлат органлари ва ташкилотларига норматив-ҳуқуқий ҳужжатларни қўллаш бўйича жами 7 та услубий раҳбарлик қилинди.
6 500 дан ортиқ ҳуқуқий тарғибот тадбирлари ўтказилди: шундан оммавий ахборот воситалари орқали 251 та, жумладан, телеведенияда 51 та, 58 та радиода, 64 та газетада, расмий электрон ахборот воситаларда 78 та мақола чиқарилган бўлса, ижтимоий тармоқлар орқали 184 та тарғибот тадбирлари аҳолига етказилди ҳамда 6 000 дан ортиқ оғзаки ҳуқуқий тарғибот тадбирлари ташкил этилди.
Шаҳар ҳокими ва халқ депутатлари Кенгашларининг қарорларини қонун ҳужжатларига, мамлакатимизда амалга оширилаётган ислоҳотларнинг мақсад ва вазифаларига мувофиқлиги нуқтаи назаридан ҳуқуқий экспертизадан ўтказиш йўналишида шаҳар ҳокимлиги томонидан юборилган 3 та ҳамда Халқ депутатлари шаҳар Кенгашининг 2 та норматив-ҳуқуқий тусдаги қарори ҳуқуқий экспертизадан ўтказилди.
Ҳуқуқни қўллаш амалиётини ўрганиш ва таҳлил қилиш, унинг барқарорлиги ва бир хиллигини таъминлаш борасида Тошкент вилояти Адлия бошқармаси томонидан тасдиқланган иш режа ва иш юкламаларини ижросини таъминлаш мақсадида шаҳардаги давлат органлари ва ташкилотларида ҳуқуқни қўллаш амалиётини ўрганиш ва таҳлил қилиш амалга оширилиб, 4 та ўрганиш ва 7 та мониторинг ўтказилди.
Ўтказилган ўрганиш ва мониторинглар натижалари таҳлил қилинганида жами 2 408 та қонунбузилиш ҳолатлари аниқланди. Жумладан:
Ижтимоий-иқтисодий соҳада ҳуқуқни қўллаш амалиётига оид соҳада 1 414 та ҳолат;
Инсон ҳуқуқларини ҳимоя қилишга оида соҳада 499 та ҳолат;
Давлат хизматларини кўрсатиш соҳасида 495 та ҳолат;
2025 йил давомида давлат органлари ва ташкилотларини ўрганиш ва мониторингда аниқланган қонунбузилиш ҳолатларини бартараф этилишини таъминлаш мақсадида жами 39 та тақдимномалар киритилган. Тақдимнома натижасида 2 нафар масъул ходимга интизомий жазо чоралари кўрилди ҳамда фуқаролар ҳамда тадбиркорлар манфаатида 2 млрд 583 млн сўмдан ортиқ маблағ ундириб берилди.
Бўлимга келиб тушган мурожаатларни кўриб чиқиш натижалари
Бўлим томонидан 2025 йил давомида жисмоний ва юридик шахслардан жами 412 та мурожаат қабул қилинган бўлиб, мазкур мурожаатларнинг 311 таси қаноатлантирилган, 82 та мурожаатга ҳуқуқий тушунтириш берилди, 17 та мурожаат эса тааллуқлилигига кўра бошқа идора ва ташкилотларга юборилди ҳамда 2 та мурожаат тугатилди.
2025 йил давомида Фуқаролик, маъмурий ва иқтисодий судга 19 та даъво аризаси киритилиб, мазкур киритилган даъво аризалари натижасида 382 миллондан ортиқ бўлган сумма судлар томонидан қаноатлантирилиб берилди.
Бугунги кунда шаҳар Адлия бўлими юридик хизмат кўрсатиш маркази ходимлари 3 нафардан иборат. Марказга 2025 йил давомида “E-huquqshunos” электрон тизими орқали жами 42 072 та ҳужжат келиб тушган, шундан ҳуқуқий экспертизадан ўтказилиб ижобий хулоса берилган буйруқ ва шартномалар сони 38 241 та, қонунчиликка зидлиги сабабли салбий хулоса берилган буйруқ ва шартномалар сони 176 та, камчиликлари мавжудлиги сабабли рад қилинган буйруқ ва шартномалар сони 3 693 тани ташкил этади. Шунингдек, 4 та талабномага асосан 26 123 986 сўм маблағ ундирилган, 4 та даъво аризага асосан 96 млндан ортиқ маблағ ундирилган.
Адлия бўлими Давлат хизматлари марказида 8 нафар ходим фаолият юритади. Марказ томонидан жорий 2025 йил давомида жами давлат хизмат турлари 208 тани, юридик ва жисмоний шахсларга жами кўрсатилган хизматлар сони 13 866 та дан ортиқни ташкил этади.
Адлия бўлими Фуқаролик ҳолати далолатномаларни ёзиш бўлимида 3 нафар ходим фаолият юритади. ФҲДЁ томонидан 2025 йил давомида туғилиш ҳолати 3835 та, никоҳ бўйича 1020 та, никоҳни бекор қилиш 290 та, ўлим ҳолати 870 та фуқаролик ҳолати ёзувлари қайд этилган.
Улуғбек Тўлаганов,
шаҳар Адлия бўлими бошлиғи.
Об авторе
